Os digwydd i chi farw cyn cymryd eich buddion gohiriedig, mae’r Cynllun yn sicrhau bod eich goroeswyr yn cael cefnogaeth. Mae’r buddion yn seiliedig ar eich cyflog terfynol a’r aelodaeth yr oeddech wedi ei chronni erbyn y diwrnod y gadawoch y Cynllun.
Os digwydd i chi farw cyn i chi gymryd eich buddion gohiriedig, efallai y bydd hawl gan eich perthynas agosaf i’r cyfandaliad grant marwolaeth.
Os oeddech wedi gadael cyn 1 Ebrill 2008, telir cyfandaliad sydd 3 gwaith eich pensiwn gohiriedig.
Os oeddech wedi gadael ar 1 Ebrill 2008, neu ar ôl y dyddiad yma, telir cyfandaliad sydd 5 gwaith eich pensiwn gohiriedig.
Gallwch ddweud wrthym i bwy yr hoffech i ni dalu’r cyfandaliad grant marwolaeth trwy ddefnyddio’r ffurflen Mynegi Dymuniad yn yr adran ‘Adnoddau’.
Ni sy’n penderfynu’n derfynol pwy i dalu’r cyfandaliad iddynt. Cyn i ni ddod i unrhyw benderfyniad, byddwn yn ystyried unrhyw ddymuniadau yr ydych wedi eu mynegi, ond ni fyddwn yn rhwym wrthynt.
Os digwydd i chi farw cyn cymryd eich buddion gohiriedig, byddwn yn talu pensiwn i’ch gŵr/gwraig neu’ch partner sifil neu eich partner sy’n cydfyw â chi a’ch plant dibynnol.
Os hoffech i ni dalu buddion i bartner sy’n cydfyw â chi, bydd gofyn iddynt fodloni meini prawf penodol.
Mae pensiynau plant yn daladwy i unrhyw blant dibynnol cymwys sydd gennych adeg eich marwolaeth.
Cysylltwch â ni os hoffech ragor o wybodaeth.
1/160 o’ch cyflog pensiynadwy wedi’i luosi gyda chyfanswm yr aelodaeth a gronnwyd erbyn i chi adael.
Dim ond eich aelodaeth o 6 Ebrill 1988 a ddefnyddir ar gyfer partneriaid sy’n cydfyw, ond gallwch ddewis talu cyfraniadau buddion ychwanegol i oroeswyr er mwyn ymestyn y ddarpariaeth hon i gynnwys cyfnodau cynharach o aelodaeth gyda’r Cynllun.
Nodwch, os oes mwy nag un plentyn dibynnol, y byddant yn rhannu’r pensiwn yn gyfartal.
1/320 o’ch cyflog pensiynadwy wedi’i luosi gyda chyfanswm yr aelodaeth a gronnwyd erbyn i chi adael.
1/240 o’ch cyflog pensiynadwy wedi’i luosi gyda chyfanswm yr aelodaeth a gronnwyd erbyn i chi adael.
1/160 o’ch cyflog pensiynadwy wedi’i luosi gyda chyfanswm yr aelodaeth a gronnwyd erbyn i chi adael.
1/120 o’ch cyflog pensiynadwy wedi’i luosi gyda chyfanswm yr aelodaeth a gronnwyd erbyn i chi adael.