Cymryd fy muddion

Mae eich Oedran Pensiwn Arferol yn gysylltiedig â’ch Oedran Pensiwn y Wladwriaeth (a’r oed ieuengaf yw 65). Eich Oedran Pensiwn Arferol yw’r oed ieuengaf y gallwch ymddeol a chael eich pensiwn yn llawn.

Gallwch ddarganfod beth yw eich Oedran Pensiwn Arferol trwy edrych am eich Oedran Pensiwn y Wladwriaeth ar www.gov.uk/calculate-state-pension. 

Gallwch hefyd gymryd eich buddion cyn eich Oedran Pensiwn Arferol neu ar ôl eich Oedran Pensiwn Arferol.

Mae hefyd yn bosibl i chi gymryd eich buddion gohiriedig ar unrhyw adeg, ar sail afiechyd. Ond rhaid i hyn gael ei gymeradwyo gan eich cyn-gyflogwr, ac ni chewch unrhyw ychwanegiadau.

Cyn penderfynu a fydd yn cytuno i’ch cais, rhaid i’ch cyn-gyflogwr gael tystysgrif gan ymarferydd meddygol cofrestredig annibynnol sydd â chymhwyster mewn meddygaeth iechyd galwedigaethol yn nodi eich bod, yn eu barn nhw, yn methu â chyflawni dyletswyddau eich swydd bresennol yn effeithlon, a hynny’n barhaol, oherwydd afiechyd, neu wendid meddyliol neu gorfforol ac, os felly, fod y cyflwr yn debygol o’ch atal rhag cael swydd gyflogedig (boed hynny mewn llywodraeth leol neu fel arall) cyn i chi gyrraedd eich oed ymddeol arferol, neu am o leiaf dair blynedd, pa un bynnag sydd gynharaf.

Os ydych yn credu y gallech gael buddion gohiriedig ar sail afiechyd, cysylltwch â’ch cyn-cyflogwr.

Os oes gennych lai na 2 flynedd o aelodaeth o’r Cynllun ac nid ydych wedi trosglwyddo hawliau pensiwn o gynllun pensiwn arall, gallwch gyflwyno cais i ofyn am eich cyfraniadau yn ôl.

Dim ond eich cyfraniadau chi’ch hun y gellir eu had-dalu, ac nid y rheiny a delir gan eich cyflogwr. Tynnir swm allan o’ch cyfrif i wneud iawn am rhyddhad treth, ac, os yn berthnasol, Yswiriant Gwladol.

Efallai y byddwch yn gallu trosglwyddo eich buddion at gynllun pensiwn arall, tra bod y cynllun newydd yn un a gymeradwyir gan CThEF ac mae’n barod i dderbyn y trosglwyddiad.

• Os ydych am drosglwyddo eich buddion, dylech ddweud wrth eich cynllun newydd fod gennych fuddion yn y CPLlL.
• Byddant yn dod atom i ofyn am werth trosglwyddo ac yn dweud wrthych beth yw gwerth y buddion yn eu cynllun nhw.
• Yna, bydd eich cyflogwr neu gynllun pensiwn newydd yn gweithio gyda chi i’ch helpu i benderfynu a ydych yn dymuno bwrw ymlaen â’r trosglwyddiad ai peidio.
• Os ydych yn penderfynu eich bod eisiau bwrw ymlaen â’r trosglwyddiad, byddant yn gofyn i ni dalu’r taliad trosglwyddo draw i’ch cynllun pensiwn newydd.

Mae penderfynu trosglwyddo eich buddion yn benderfyniad pwysig. Efallai yr hoffech gael cyngor ariannol annibynnol.

Gofalwch rhag cael eich twyllo

Os ydych yn penderfynu trosglwyddo eich buddion, dylech fod yn ymwybodol o sgamiau posibl yn ymwneud â phensiynau. Mae addysgu eich hun a pharhau i fod ar eich gwyliadwriaeth yn allweddol er mwyn lleihau unrhyw risgiau gan sgamiau yn ymwneud â’ch pensiwn.

Isod ceir crynodeb o bedwar cam allweddol yr Awdurdod Ymddygiad Ariannol er mwyn diogelu eich pensiwn:

Cam 1 – Gwrthodwch unrhyw gynigion annisgwyl

Yn aml, mae’r rheiny sy’n ceisio eich twyllo yn gysylltiadau nad ydych yn eu hadnabod a byddant yn ceisio ennill eich ymddiriedaeth trwy wneud honiadau ffug. Mae’n debygol y byddant yn honni eu bod wedi eu hawdurdodi gan yr Awdurdod Ymddygiad Ariannol ac yn cyflwyno cyfleoedd buddsoddi deniadol i chi, er na fyddwch wedi gofyn amdanynt, a hynny mewn ymgais i gael rheolaeth dros eich pot pensiwn. Mewn amgylchiadau eraill, efallai y caiff yr arian ei ddwyn yn syth oddi arnoch. Os yw cynnig yn swnio’n rhy dda i’w gredu, yna mae’n debygol na ddylech ei gredu.

Cam 2 – Gwiriwch i weld pwy yr ydych yn trafod â nhw

Cofiwch nad yw’n bosibl cymryd eich pensiwn cyn cyrraedd 55 oed fel arfer, ac eithrio mewn achosion o afiechyd neu lle mae gennych oedran ymddeol wedi’i amddiffyn sy’n iau na 55. Yn yr un modd, dylech fod yn ochelgar ynghylch cynigion i adolygu eich pensiwn yn “rhad ac am ddim”, i gynnig enillion “wedi eu gwarantu” ar fuddsoddiadau pensiwn, neu gynlluniau buddsoddiad hirdymor, cymhleth. Ni fyddai cynghorwyr sy’n cael eu rheoleiddio gan yr Awdurdod Ymddygiad Ariannol yn cynnig gwasanaethau na chyfleoedd o’r fath.  Os ydych y poeni y gallai cynllun fod yn sgam, dylech ddweud wrth Action Fraud neu’r Awdurdod Ymddygiad Ariannol am eich amheuon.

Cam 3 – Peidiwch â gadael i unrhyw un eich rhuthro na rhoi pwysau arnoch

Mae tactegau gwerthu sy’n rhoi pwysau mawr arnoch yn arwydd cyffredin o sgam yn ymwneud â phensiwn. Dylech fod yn ochelgar ynghylch cynigion sydd â chyfyngiad amser arnynt er mwyn “cael y ddêl orau””. Byddwch ar eich gwyliadwriaeth pan fydd yna addewidion o enillion sy’n swnio’n rhy dda i fod yn wir a pheidiwch â gadael i unrhyw un roi pwysau arnoch i wneud penderfyniad.

Cam 4 – Mynnwch wybodaeth neu gyngor diduedd

Os ydych y penderfynu trosglwyddo eich buddion, yn gyntaf ystyriwch ymgynghori â gwasanaeth o’r enw Pensions Advisory Service neu gynghorydd sy’n cael ei reoleiddio gan yr Awdurdod Ymddygiad Ariannol. Dylai’r rheiny sydd dros 50 ac sydd â phensiwn cyfraniadau diffiniedig, ystyried trefnu apwyntiad gyda Pension Wise.

Gallwch ddewis cymryd eich buddion gohiriedig ar ôl eich Oedran Pensiwn Arferol, ond rhaid i chi eu cymryd cyn i chi droi’n 75 oed.

Os ydych yn cymryd eich buddion ar ôl eich Oedran Pensiwn Arferol, cewch fwy o fuddion am eu bod yn dechrau yn hwyrach na’r disgwyl.

Bydd gofyn i chi a’ch partner ystyried sut i drin eich pensiwn fel rhan o unrhyw setliad ysgariad/diddymu.

Cysylltwch â ni am ragor o wybodaeth.

Yswiriant bywyd

Fel aelod o’r Cynllun, mae gennych yswiriant bywyd gwerthfawr, sef cyfandaliad a delir adeg eich marwolaeth.

Os ydych wedi enwebu eich gŵr, gwraig neu bartner sifil i dderbyn y cyfandaliad hwn, efallai y byddwch yn dymuno llenwi ffurflen enwebu buddiolwr newydd ar gyfer taliad marwolaeth (gweler yr adran 'Adnoddau’) i roi gwybod i ni am unrhyw newidiadau.